Olqa

«Olqa» komediya-dram serialı çiyinlərində böyük bir ailənin yükünü daşıyan qadının həyatından bəhs edir. O, müxtəlif nikahlardan olan iki övladını təkbaşına böyüdür, spirtli içki aludəçisi olan atasına baxır və şəxsi həyatında rahatlıq tapmağa çalışır. Kollecdə oxuyan böyük qızı Anya gələcəyini tamamilə fərqli görür, on bir yaşlı oğlu Timofey özünü vaxtından əvvəl kişi hesab edir, bacısı Lena asan qazanc arxasınca qaçır, keçmiş futbolçu atası isə yalan və içki içində gün keçirir.

Qohumlarını daima problemlərdən xilas edən baş qəhrəman öz istəklərini hər zaman arxa plana atır. Lakin dəfn xidməti maşınının müsbət xarakterli gənc sürücüsü Qrişa ona aşiq olduqda Olqanın adi günlərinin axarı dəyişir.

Rusiyada çəkilən və 2016-cı ildə yayıma başlayan bu serial 5 mövsümdən ibarətdir. Ekran işinin rejissorları Aleksey Nujnıy və İqor Voloşindir, baş rollarda isə Yana Troyanova, Vasili Kortukov, Alina Alekseyeva və Kseniya Surkova çıxış edir.