O yay

Anası ipə-sapa yatmayan Lavanı cəza olaraq dəniz kənarındakı adada yaşayan dayısı Pxenqin yanına yollayır ki, gənc zəhmətə və intizama alışsın. Çox keçmədən Lava sahildə qəza nəticəsində yaddaşını tamamilə itirmiş naməlum bir gənclə rastlaşır. Xilas etdiyi bu yadelli şəxsə Veyv adını verən Lava onun müvəqqəti olaraq adada qalmasına kömək edir.

Lava hələ bilmir ki, heç nə xatırlamayan bu köməksiz gəncin arxasında macəra ardınca saraydan qaçmış vəliəhd şahzadə Davin dayanır. İki gəncin birgə həyatı adanın sakit mühitində gözlənilməz sirlərlə davam edir.

«That Summer» adlı Tailand istehsalı olan dram və romantika serialı 2025-ci ildə ekranlara çıxıb. Layihənin rejissorları Sirisak Patkeat və Thipaphon Puangmaha, baş rol ifaçıları isə Winny Thanawin Pholcharoenrat və Satang Kittiphop Sereevichayasawatdır.