Oğul

«Oğul» serialındakı hadisələr müasir Finlandiyada cərəyan edir. Anonim şikayət əsasında sosial xidmət orqanları perspektivli siyasətçi və onun rus əsillik həyat yoldaşının övladını əllərindən alır. Uşağın anası qəddar rəftarda ittiham olunur.

Baş verənlər atanın partiya lideri kimi qatıldığı seçki kampaniyası ərəfəsinə təsadüf edir. O, siyasi karyerası ilə ailəsi arasında çətin seçim qarşısında qalır. Dövlət sistemi isə anaya qanuni yollarla uşağı geri qaytarmaq imkanı tanımır və valideynlər övladları naminə çətin sınaqlardan keçməli olurlar.

2014-cü ildə çəkilmiş Rusiya istehsalı olan bu dram serialının rejissoru Vyaçeslav Rossdur. Əsas rolları Arseniy Romaşin, Mariya Mironova, Andris Keyşs və Yuozas Budraytis canlandırıblar.