Insatiable

Məktəbli Petti artıq çəkisi səbəbindən həmyaşıdları tərəfindən daim təhqirlərə və istehzalara məruz qalırdı. Yaşanan xoşagəlməz hadisədən sonra xeyli arıqlayan qız tamamilə yeni bir görkəm qazanır. Həyatındakı bu dəyişiklikdən sonra vəkil Bob onu gözəllik müsabiqələrinə hazırlamaq istəsə də, gənc qızın əsas fikri illərlə ona əziyyət verənlərdən intiqam almaq olur.

Petti keçmişdə ona gülənlərin hər birini cəzalandırmağı qarşısına məqsəd qoyur. Qisas hissi getdikcə nəzarətdən çıxır və həm qızı, həm də onun məşqçisini gözlənilməz, təhlükəli situasiyaların içinə sürükləyir. Əvvəlki susqun məktəbli artıq ona qarşı edilən haqsızlıqları bağışlamaq niyyətində deyil.

ABŞ istehsalı olan «Insatiable» serialı komediya, dram və triller janrlarını birləşdirir. Layihənin rejissorluğunu Endrü Fleminq və Brayan Denneli etmiş, əsas rolları Debbi Rayan, Dallas Roberts, Kristofer Qoram və Kimmi Şilds canlandırmışlar. İki mövsümdən ibarət serial 2018-ci ildə işıq üzü görüb.