Təcili yardım

Ailəsini faciəvi şəkildə itirən paytaxtın tanınmış cərrahı Oleq Qromov keçmişlə bütün əlaqələrini kəsməyə qərar verir. Şəhərdəki mənzilini bağlayıb, bağ evini dəyər-dəyməzinə satan həkim ucqar bir əyalətə yollanır. O, burada təcili tibbi yardım stansiyasında işə düzələrək səkkiz nömrəli briqadanın tərkibində fəaliyyətə başlayır.

Sürücü Potapıç, feldşer Nadejda və tibb qardaşı Yurka ilə birgə çalışan Oleq hər gün müxtəlif çağırışlara yollanır. Komanda həm ağır xəstələrin, həm tənha qocaların, həm də hətta xəstələnmiş ev heyvanlarının köməyinə çatır. İş yoldaşlarının qayğılarına getdikcə daha çox şərik olan Qromov, qəzadan sonra yaddaşını itirmiş gənc qadını müalicə edərkən yeni hisslərlə qarşılaşır.

2004-cü ildə yayımlanan «Təcili yardım» dram serialı 2 mövsümdən ibarətdir. Rusiya istehsalı olan layihənin rejissorları Anatoli Artamonov və Gennadi Kayumovdur, baş rolları isə Yaroslav Boyko, Marqarita Şubina, Mixail Quro və Yuliya Alarus canlandırıblar.