Sağalma yolu

Yuxarı sinif şagirdi Meddi Qrem günlərini spirtli içki və qadağan olunmuş maddələrin müşayiət olunduğu əyləncə məclislərində keçirir. O, asılılıq problemi ilə üzləşdiyini qəbul etmək istəmir. Lakin məktəb rəhbərliyi onun qarşısına sərt tələb qoyur: ya reabilitasiya mərkəzində müalicə almalı, ya da təhsil ocağından qovulmalıdır.

Meddi məktəbdən uzaqlaşdırılmamaq üçün klinikanın divarları arasına yollanır. Burada o, özü kimi oxşar çətinliklərlə mübarizə aparan digər yeniyetmələrlə tanış olur. Gənclər vərdişlərdən qurtulmaq üçün birgə addımlayır, qarşılaşdıqları çətin sınaqlara və müxtəlif vəsvəsələrə qarşı durmağa çalışırlar.

ABŞ istehsalı olan «Recovery Road» dram serialı 2016-cı ildə yayımlanıb. Layihənin rejissor kürsüsündə Lourens Trillinq və Endi Fikmen əyləşib, əsas obrazları isə Cessika Sula, Sebastyan de Sousa, Aleksis Karra və Deniel Frentsisi canlandırıb.