Love in the Air: Koi no Yokan

Memarlıq fakültəsinin tələbəsi Rey leysan yağış altında maşını xarab olanda çarəsiz vəziyyətdə qalır. Həmin an onun köməyinə heç nə demədən avtomobili təmir edib dərhal uzaqlaşan sirli bir motosikletçi çatır. Baş verənlərin təsirindən çıxa bilməyən Rey bu hadisəni dostu Kay ilə bölüşür və xilaskarın kimliyini öyrənməyə çalışır.

Çox keçmədən məlum olur ki, həmin naməlum bayker onların öz fakültəsinin məşhur məzunu Araşidir. Bu gözlənilməz tanışlıq Rey və Kayı Araşi və onun yaxın yoldaşı Fuma ilə bir araya gətirir. Beləliklə, təsadüfi yol hadisəsi onların arasında yeni münasibətlərin yaranmasına zəmin hazırlayır.

2024-cü il istehsalı olan «Love in the air: Koi no Yokan» adlı yapon romantik dram serialının rejissor kürsüsündə Tomori Atsuki və Hatanaka Miyuki əyləşib. Əsas rolları Nagumo Shoma, Hamaya Takuto, Suzuki Asahi və Nagatsuma Reo canlandırır.