366 Gün

İyirmi səkkiz yaşlı Asuka Yukihira illər sonra bağlanmaq üzrə olan doğma məktəbinin məzunlar görüşünə yollanır. O, tədbirdə vaxtilə gizlicə sevdiyi keçmiş sinif yoldaşı Haruto Mizuno ilə qarşılaşır. Uzun fasilədən sonra baş tutan bu görüş keçmiş xatirələri yenidən oyadır.

Söhbət əsnasında gənclər məktəb illərində hisslərinin qarşılıqlı olduğunu, sadəcə kiçik bir anlaşılmazlıq ucbatından bir-birlərinə açıla bilmədiklərini öyrənirlər. On iki illik fasilədən sonra onlar sevgilərini etiraf edərək münasibətə başlayırlar. Lakin xoşbəxt günlər uzun çəkmir; Haruto qəzaya düşərək ağır vəziyyətdə huşsuz qalır.

2024-cü ildə yayımlanan Yaponiya istehsalı «366 Nichi» dram serialının rejissoru Yuichiro Hirakawadır. Romantik layihədə əsas rolu aktrisa Alice Hirose canlandırır.