Hüdudda

Şəxsi həyatında ard-arda zərbələr alan tələbə Lena sevdiyi şəxslə ayrılır və eyni zamanda atasının xəyanətindən xəbər tutur. Mənəvi sarsıntı keçirən qız bu vəziyyətdə Ruslan adlı bir şəxsin təsiri altına düşür və onunla evlənməyə razılaşaraq yad ölkəyə yollanır. Eyni adam sosial şəbəkələrdə Katyanı da aldadaraq İstanbula çağırır. Digər tərəfdən, həmkəndlilərinin təzyiqlərindən canını qurtarmağa çalışan dul qadın Əminə isə azyaşlı oğlu ilə birlikdə könüllü şəkildə Suriyaya getmək qərarı verir.

Fərqli səbəblərlə yola çıxan bu üç qadının həyatı Xilafət ərazisində kəsişir və onlar terrorçuların əsirinə çevrilirlər. Aldandıqlarını başa düşən qadınlar bir yerə toplaşaraq oradan qaçmaq üçün çıxış yolu axtarmağa başlayırlar. Eyni zamanda Lenanın atası da ümidsiz halda qızının izinə düşərək onun ardınca Şərqə yollanır.

Rejissor Yevgeni Lavrentyevin çəkdiyi «Hüdudda» («На краю») adlı Rusiya serialı 2018-ci ildə işıq üzü görüb. Ekran əsərində əsas rolları Diana Pojarskaya, Sofya Şutkina, Feruza Ruziyeva və Nikolay Fomenko canlandırıblar.