Məhəbbətlə yaşamaq

İyirmi il əvvəlki gəzinti faciə ilə nəticələnir: Elenanın nəzarətsiz qalan böyük qızı Frida naməlum şəxslər tərəfindən qaçırılır. Uşağı xilas etməyə çalışan ata qətlə yetirilir, cinayətkarların avtomobili isə bataqlığa qərq olur. Qızcığazın da öldüyü güman edilsə də, əslində onu övladını itirmiş bir cütlük taparaq Rebeka adı ilə böyüdür. İllər keçdikcə o, xudpəsənd və tamahkar bir qadına çevrilir.

Elena isə bütün sevgisini kiçik qızı Anceliyə həsr edir. Mehriban və dürüst böyüyən Anceli artıq varlı Xose Emilio ilə ailə qurmağa hazırlaşır. Təsadüfən əsl ailəsinin izinə düşən Rebeka bacısının xoşbəxtliyini öyrəndikdə qisas hissinə qapılır. O, bacısının əlindəki hər şeyi almaq və onun həyatını məhv etmək üçün hərəkətə keçir.

«Vivir de amor» adlı Meksika dram serialı 2024-cü ildə təqdim olunub. Layihənin rejissor kürsüsündə Diego Mejia Lartilleux və Carolina Mejia əyləşiblər. Əsas rolları Kimberli Dos Ramos, Qala Montes, Emmanuel Palomares və Xuan Dieqo Kovarubias canlandırırlar.