Aramızda kimya

Tanya gündüzlər iki uşağını tək böyüdür, gecələr isə taksi sürücüsü işləyir. Həkimlərin qoyduğu ağır diaqnoz onun bütün planlarını alt-üst edir. Qadın anlayır ki, xəstəlik güc gəlsə, övladlarını etibarsız qohumlarına tapşıra bilməz. Çıxış yolu kimi o, təcili şəkildə etibarlı bir kişi tapıb ailə qurmağa və uşaqların gələcəyini ona əmanət etməyə qərar verir.

Bu gizli planını Tanya yalnız öz müalicə həkimi ilə bölüşür. Axtarışlar gözlənilmədən uğurla nəticələnir və bir müddət sonra namizədlərin sayı nəzərdə tutulduğundan da çox olur.

2025-ci il istehsalı olan «Aramızda kimya» komediya-dram serialının rejissoru Karina Çuvikovadır. Rusiyada çəkilən layihədə əsas rolları Aleksandra Bortiç, Nikita Yefremov, Yevgeni Sanqaciyev və Nelli Uvarova canlandırıb.