Mütləq şər

Ögey atasının hər axşam şiddətinə məruz qalan Erik məktəbdəki intizamsızlığı səbəbindən Stjernsberg adlı qapalı internat məktəbinə göndərilir. Müəllimləri onun gələcəyinə heç bir ümid bəsləmir və yeniyetməni əsl şər adlandırırlar. Lakin cəza olaraq göndərildiyi bu yeni məkan da gözlənilən rahatlığı gətirmir.

İnternat daxilində amansız qaydalar, təzyiqlər və hər kəsi susdurmağa çalışan şagird dəstəsi hökm sürür. Belə ağır şəraitdə gənc oğlanın yeganə təsəllisi məktəb yeməkxanasında çalışan Mariya olur. Qıza qarşı yaranan dərin hisslər Erikə yerli zorakı qruplaşmaya qarşı dirəniş göstərmək üçün güc verir.

İsveç istehsalı olan «Ondskan» («Mütləq şər») dram serialı 2023-cü ildə işıq üzü görüb. Ekran əsərinin rejissorluğunu Erik Leyyonborq və Daniel di Qrado həyata keçirib. Baş rollarda İsak Kalmrot, Tea Sofye Lok Ness, Aleksandr Qustavsson və Kristian Sundqren çəkiliblər.