Aşk 101

Sevimli müəllimələrinin başqa şəhərə köçmə ehtimalı bir qrup məktəblini narahat etməyə başlayır. Onu saxlamağın yolunu axtaran gənclər gözlənilməz bir plana əl atırlar. Onlar hesab edirlər ki, qadının burada qalması üçün şəxsi həyatında ciddi bir səbəb yaranmalıdır.

Şagirdlər birləşərək müəlliməyə uyğun bir namizəd tapmaq və onu sevməsini təmin etmək üçün hərəkətə keçirlər. Bu romantik planı həyata keçirərkən «Aşk 101» serialının qəhrəmanları öz aralarındakı münasibətləri də yenidən kəşf edirlər. Birgə atılan addımlar dostluğun və hisslərin dərinləşməsinə gətirib çıxarır.

Türkiyə istehsalı olan layihənin rejissor kürsüsünü Ahmet Katıksız və Deniz Yorulmazer bölüşür. Dram və komediya janrında olan serialda əsas obrazları Alina Boz, Mert Yazıcıoğlu, Kubilay Aka və Selahattin Paşalı canlandırıb. İki mövsümdən ibarət olan ekran işi 2020-ci ildə işıq üzü görüb.