Xuliqanlar və Nərdlər

Hadisələr 1980-ci ildə Detroyt yaxınlığındakı kiçik bir qəsəbədə cərəyan edir. Əlaçı və riyaziyyat olimpiadalarının iştirakçısı olan Lindsi Uir qəflətən məktəbin xuliqanları ilə vaxt keçirməyə başlayır. Buna səbəb qızın bu dəstənin cazibədar, lakin xudbin lideri Deniel Dezarioya qarşı hisslərinin yaranmasıdır.

Lindsi daxili dünyasını anlamağa və valideynləri ilə münasibətlərindəki çətinlikləri yoluna qoymağa çalışarkən, onun kiçik qardaşı Sem fərqli problemlərlə üzləşir. Sem və onun nərd dostları digər şagirdlərin sataşmalarından qurtulmağın və məktəbdəki mövqelərini yaxşılaşdırmağın yollarını axtarırlar.

«Freaks and Geeks» adlı komediya və dram serialı 1999-cu ildə ABŞ-da istehsal olunub. Layihənin rejissor kürsüsündə Ceyk Kezdan və Cadd Apatou əyləşib, baş rolları isə Linda Kardellini, Con Frensis Deyli, Ceyms Franko və Semm Levin canlandırıb.