Sənin yalanın da gözəldir

Çinin cənub-qərbində baş verən təbii fəlakətdən dərhal sonra həmin bölgəyə tibb işçiləri və könüllülər yola düşür. Məşhur aktrisa Tsin Fey də kömək məqsədilə xilasetmə heyətinə qoşulur. Ətrafdakılar isə onun bu addımını səmimi qəbul etmir və sadəcə özünü reklam etmək istədiyini düşünürlər.

Bütün şübhələrə baxmayaraq, Tsin Fey fəlakət zonasında böyük fədakarlıqla çalışır və insanların xilası naminə həyatını təhlükəyə atır. Həkimlər qrupunun rəhbəri Sin Çjicji birlikdə işlədikcə onun əsl mərhəmətini və dözümlülüyünü görür. Çox keçmədən aktrisa öyrənir ki, illər əvvəl rəqs müsabiqəsindəki qəzadan sonra onun həyatını xilas edən gənc həkim məhz Sin Çjicji olub.

«Ni De Huang Yan Ye Dong Ting» («Sənin yalanın da gözəldir») serialı 2024-cü ildə Çində istehsal olunub. Dram janrında olan layihənin rejissorları Li Vay Çu və Çen Şi İdir, baş rolları isə Çen Sin Süy və Çjan Yü Si canlandırıblar.