Polen

Böyük çiçək imperiyasının rəhbəri Beatris Luxan Samudionun ailəvi oteldə keçirilən 60 illik yubileyi gözlənilməz faciə ilə nəticələnir. Nüfuzlu qadının ölümü əvvəlcə bədbəxt hadisə və ya intihar kimi qələmə verilsə də, ekspertiza onun zəhərli çiçək tozu vasitəsilə qətlə yetirildiyini üzə çıxarır.

İşi araşdırmağı müstəntiq Sandra Fitsjerald öz üzərinə götürür. Eyni zamanda anasının müəmmalı ölümünün əsl səbəbini öyrənmək istəyən sevimli oğlu Xakobo da evə qayıdır. Ziyafətə toplaşan bütün qohumlar və dəvətlilər şübhə altına düşür, çünki onların hər birinin gizlətdiyi şəxsi sirləri var.

2026-cı il istehsalı olan Meksika dram serialı «Polen» rejissor Xuanço Kardona tərəfindən çəkilib. Ekran əsərində baş rolları Estefaniya Villarrial, Ana Brenda Kontreras, Klaudiya Ramires və Fransisko de la O canlandırır.