Səfillər

Bir tikə çörək oğurladığına görə uzun illər katorqa cəzası çəkən Jan Valjan azadlığa çıxsa da, qaçqın vəziyyətində yaşamağa məcbur qalır. Qanunun aliliyinə qətiyyətlə inanan müfəttiş Javer isə qaçqın məhbusu yenidən ədalətə təslim etməyi özünün ən ali borcu sayaraq onun izinə düşür.

Bu qarşıdurmanın fonunda tənha ana Fantinanın və onun qızı Kozettanın kədərli həyat yolu açılır. Fantinanın vaxtsız ölümündən sonra özünü bu ailə qarşısında borclu bilən Valjan balaca Kozettanı himayəsinə götürür və onu doğma övladı kimi böyütməyə başlayır.

ABŞ və Böyük Britaniya istehsalı olan «Səfillər» dram serialı 2018-ci ildə işıq üzü görüb. Ekran əsərinin quruluşçu rejissoru Tom Şenklanddır, baş rolları isə Dominik Uest, Devid Oyelouo, Lili Kollinz və Adil Axtar paylaşıb.