Qeybətçi qız

Manhettendə yerləşən nüfuzlu məktəbin şagirdləri ən son yenilikləri kimliyi bəlli olmayan bir bloqerdən öyrənirlər. Xaricdəki təhsilini yarımçıq qoyub qəfildən geri dönən Serena Van Der Vudsenin gəlişi internetdə dərhal əsas müzakirə mövzusuna çevrilir. Bu qəfil qayıdış onun yaxın rəfiqəsi Bleri təəccübləndirir və iki qız arasındakı münasibətlərdə yaranan gərginlikdən hər kəs xəbər tutur.

Bloqun hədəfində tək Serena deyil: Blerin sevgilisi Neyt, onun dostu Çak və Serenanın qardaşı Erik də qalmaqalların mərkəzinə düşür. Zəngin həmyaşıdlarından fərqli mühitdə böyüyən Den və Cenni bacı-qardaşı da bu hadisələrdən kənarda qala bilmir. Hətta gənclərin valideynləri belə sirli şəxsin yaydığı məlumatların onların ailələrinə necə təsir etdiyini görür, lakin bloqun arxasındakı sima gizli qalmağa davam edir.

ABŞ istehsalı olan «Gossip Girl» dram serialı 6 mövsümdən ibarətdir. Ekran işinin rejissorları Mark Piznarski və Norman Baklidir, əsas obrazları isə Bleyk Layvli, Leyton Mister, Ed Vestvik və Penn Bəcli canlandırıblar.