Günəşin həmişə parladığı yerdə

Linköpinqdəki böyük mağazalarını rekord qiymətə satan Tom Kraft və həyat yoldaşı Petra oğulları ilə birlikdə Malyorkaya köçürlər. Artıq bir aydır ki, ailə dəniz sahilində milyonçu həyatı sürərək günəşli günlərin kefini çıxarır.

Lakin Tomun əlli illik yubileyi zamanı sakitlik pozulur. Onun Stokholmda yaşayan kiçik qardaşı Timmi öz ailəsi ilə birgə adaya gəlir və qohumlarının yanına yerləşir. Yeni gələnlər dinc və qaydasında gedən gündəlik həyata gözlənilməz qarışıqlıq qatırlar.

İspaniya və İsveç istehsalı olan «Där solen alltid skiner» dram və komediya serialının rejissoru Feliks Hernqrendir. 2025-ci ilin bu layihəsində əsas rolları Elvin Philipson, Auqust Vitqenştayn, Liza Linnertorp və Süzann Reyter canlandırırlar.