Sanhujoriwon

O Hyon-cin bütün diqqətini işinə yönəldərək şirkətin ən gənc rəhbəri vəzifəsinə qədər yüksəlmiş bacarıqlı bir qadındır. Lakin hamilə qalması onun sürətlə inkişaf edən karyera pillələrindəki addımlarını dayandırmaq məcburiyyətində qoyur.

Körpəsi dünyaya gəldikdən sonra o, doğumdan sonrakı bərpa mərkəzinə yerləşir. Burada qəbul edilmiş xüsusi qaydalar və analıq mühiti ona ilk vaxtlar tamamilə yad və qorxulu gəlir. Hyon-cin tədricən bu qapalı dünyanın tələblərinə uyğunlaşaraq ana olmağın yollarını mənimsəyir.

Cənubi Koreya istehsalı olan «Sanhujoriwon» serialı 2020-ci ildə nümayiş olunub. Komediya, dram və melodram janrlarını birləşdirən ekran işinin rejissoru Pak Su-vondur, baş rolları isə Om Ci-von, Pak Ha-son, Can He-cin və Con Son-il canlandırıb.