Leyla

Anasını erkən yaşda itirən Leylanın atası Nur adlı ağıllı, cazibədar, lakin çox amansız bir qadınla evlənir. Atasının qəfil vəfatından dərhal sonra kimsəsiz qalan qızcığaz ögey anası tərəfindən zibilxanaya atılır. Ağır sınaqlara dözən Leyla intiqam arzusu ilə böyüyərək ayaqda qalmağı bacarır.

İllər sonra o, Nuru cəzalandırmaq üçün geri qayıdır. İndi qarşısındakının həmin uşaq olduğundan xəbərsiz olan qadın eyni hiylələr və yalanlarla üzləşir, çünki Leyla rəqibinin silahlarından istifadə etməyi öyrənib. Lakin qisas yolunda onun qarşısına unudulmayan ilk sevgisi çıxır.

Türkiyə istehsalı olan «Leyla» dram serialı 2024-cü ildə işıq üzü görüb. Ekran əsərinin rejissoru Hilal Saraldır, əsas rolları isə Cemre Baysel, Alperen Duymaz, Gonca Vuslateri və Yiğit Kirazcı canlandırır.