Karyerist qız

Vakabanın uşaqlıq illəri atasının borcları və pulsuzluq içində keçib. Ailənin qapısını kəsdirən borc verənlərlə böyüyən qız əsla ruhdan düşməyib və gələcəkdə yaxşı qazanc əldə etmək üçün bütün vaxtını dərslərinə sərf edib. O, təhsilinə mane olmasın deyə əyləncələrdən və şəxsi münasibətlərdən tamamilə imtina edib.

Lakin tale onun qarşısına yeni maneə çıxarır: gənc mütəxəssisə vəzifə təklif edən böyük şirkət o işə başlamamış müflis olur. Nəticədə Vakaba kiçik bir hüquq bürosunda çalışmağa məcbur qalır. Burada isə müdir ona hüquqi işlər əvəzinə özünün beşyaşlı qızına dayəlik etməyi tapşırır.

«Zenkai gâru» adlı Yaponiya istehsalı olan serial 2011-ci ildə işıq üzü görüb. Layihənin rejissor kürsüsündə Taisuke Kawamura və Hideki Takeuchi əyləşib. Baş rolları Yui Aragaki, Ryo Nishikido, Hiroko Yakushimaru və Misako Renbutsu canlandırıblar.