Belcanto

1847-ci ildə Neapolda yaşayan Mariya və qızları Antoniya ilə Karolina zalım ailə başçısının təzyiqləri altında yoxsul həyat sürürlər. Gözəl səsə malik olan Antoniya Milan teatrlarında dinləmədən keçmək imkanı qazananda, atası qəzəblənərək buna mane olmağa çalışır. Qəddar atayla baş verən toqquşma geri dönüşü olmayan hadisə ilə nəticələnir və qadınlar şəhərdən qaçmaq məcburiyyətində qalırlar.

Milana çatan ana və qızları arxalarında buraxdıqları təhlükəli sirri gizlədərək opera aləmində yeni bir başlanğıc axtarırlar. Çox keçmədən məlum olur ki, kiçik bacı Karolina da ən azı bacısı qədər güclü və nadir musiqi istedadına sahibdir.

2025-ci il istehsalı olan «Belcanto» dram serialı Fransa, İtaliya və Belçikanın birgə layihəsidir. Ekran işinin rejissoru Karmine Elia, baş rolların ifaçıları isə Katerina Ferioli, Adriana Savarese, Stefano Lentini və Andrea Boskadır.