Unseen

Belçikanın Kzyo adlı kiçik qəsəbəsi izahı tapılmayan qəribə bir hadisə ilə üzləşir: yerli sakinlərin bədənləri tədricən görünməz olmağa başlayır. Barmaq uclarından başlayan bu qeyri-adi proseslə eyni vaxtda quşlar göydən yerə düşür və yaxınlıqda yeni mobil rabitə qülləsi istifadəyə verilir. Oftalmoloq Lorens bu müəmmalı xəstəliyin səbəbini araşdırmağa çalışır, lakin tezliklə eyni əlamətlər onun qızı Lilidə də üzə çıxır.

Baş verənlər həm sadə sakinləri, həm də yerli rəhbərliyi çıxılmaz vəziyyətə salır. Bəziləri üçün görünməzlik qorxulu bir təcrid və ağır azar kimi qəbul edilsə də, başqaları bu vəziyyətdən problemlərdən qaçmaq və cəzasız qalaraq hərəkət etmək üçün bəhanə kimi yararlanır.

2020-ci ildə nümayiş olunan Belçika istehsalı «Unseen» dram serialının rejissoru Joffrey Enthovendir. Baş rolları Roda Favaz, Stefani Van Vive, Miryem Akeddiu və Frederik Klu canlandırıblar.