Kumiir

Gənc pop ulduzu Coslin anasının vəfatından və keçirdiyi əsəb sarsıntısından sonra səhnəyə qayıtmaq üçün çalışır. Qarşıdan gələn qastrol səfərinə hazırlıq heç də asan keçmir: yeni mahnı ürəyincə deyil, biletlərin satışı zəif gedir, üstəlik şəbəkəyə qalmaqallı fotosu sızır.

Bir az dincəlmək istəyən gənc qadın rəqqasları ilə birgə gecə klubuna yollanır və orada məkanın sahibi Tedrosla tanış olur. Qısa müddət sonra yeni tanışı ətrafı ilə birlikdə Coslinin malikanəsinə köçür, özünü onun meneceri elan edir və müğənninin bütün həyatını nəzarətə götürür.

Rejissor Sem Levinsonun çəkdiyi ABŞ istehsalı olan musiqili dram serialı «The Idol» 2023-cü ildə işıq üzü görüb. Layihənin əsas rollarında The Weeknd, Davayn Coy Rendolf, Troy Sivan və Ceyn Adams çəkiliblər.