Kuryerlər

İyirmi yaşlı Qoşa imkanlı ailədə böyüyüb və tibb universitetinin dördüncü kursunda oxuyur. Həkimlikdən daha çox kinorejissorluğa maraq göstərən gənc dərsləri atıb kino məktəbinə getmək istədiyini anasına bildirir. Anası bir şərt qoyur: əgər oğlu ən azı üç ay ailənin maliyyə dəstəyi olmadan təkbaşına yaşaya bilsə, onun bu qərarına razılıq verəcək. Beləliklə, gənc oğlan dərhal özünə qalmağa yer tapmalı və dolanışıq xərclərini ödəməlidir.

Çıxış yolu kimi çatdırılma xidmətində kuryer işləməyə başlayan Qoşa əvvəlcə bu cür ağır reallıqlara tamamilə hazırlıqsız görünür. Şəhər küçələrində hər gün gülməli və qəribə hadisələrlə üzləşən baş qəhrəman yavaş-yavaş dəyişir. Məhz burada o, sadiq dostlar qazanır və sevgisini tapır. Üstəlik, illərdir öldüyünü düşündüyü atasının sağ və məşhur olduğunu öyrənir, atası isə oğlunun sadə bir kuryer kimi çalışmasından xəbərsizdir.

«Kuryerlər» adlı dramatik komediya serialı 2024-cü ildə Rusiyada çəkilib. Ekran işinin quruluşçu rejissoru İlya Maksimovdur. Baş rolları Vladislav Tiron, Milana Bru, Konstantin Kryukov və Olqa Poqodina canlandırıblar.