Bazar axşamı heç olmasa...

Fərqli yerlərdə yaşayan üç qadının hər biri ağır məişət qayğıları ilə mübarizə aparır. Saçi Kişida əlilliyi olan anasına baxmaq üçün bir neçə yerdə işləmək məcburiyyətindədir. Şoko Noda ailəsi ilə əlaqəni kəsib və taksi sürücülüyü edərək dolanır. Vakaba Hiquçi isə nənəsi ilə birlikdə şəhərdən kənarda ev kirayələyir və fabriklərdən birində çalışır.

Əvvəllər bir-birini heç vaxt görməyən bu qadınların yolları gözlənilmədən kəsişir. Hər şey dinlədikləri radio verilişinin dinləyicilər üçün avtobus turu təşkil etməsi ilə başlayır. Bu səfərə qatılan qəhrəmanlar yol boyu tanış olur və ünsiyyət qururlar.

2023-cü ildə yayımlanan yapon dram serialı «Nichiyo no Yoru Gurai wa…» həyatın gündəlik anlarını əks etdirir. Ekran əsərinin rejissoru Takehiko Şincodur, əsas rolu isə Nana Seino canlandırır.