Üsyan

Kənardan baxanda dörd evli qadının həyatı qüsursuz və qaydasında görünür. Lakin gözlənilmədən onlar evlərini tərk edərək naməlum istiqamətə qaçırlar. Nə qohumları, nə də yaxınları onların harada olduğunu və bu qərarın arxasında nə dayandığını anlaya bilmir.

Zaman keçdikcə bəlli olur ki, qadınların hər birinin bu addımı atmaq üçün kifayət qədər ciddi səbəbləri var idi. Birgə çıxdıqları bu yol onları təkcə qaçışla deyil, həm də gizlətdikləri ortaq bir qətllə bir-birinə bağlayır.

«La rebelión» Meksika istehsalı olan dram serialıdır və 2022-ci ildə nümayiş olunub. Layihənin rejissor kürsüsündə İnyaki Penyafiel və Çava Kartas əyləşib, əsas obrazları isə Araseli Arambula, Daniela Veqa, Ana Serradilla və Adriana Pas canlandırıb.