Son qatarda başlayan sevgi

Karyerasında uğursuzluqla üzləşən Haru Tsuzuki həyat eşqini itirərək doğma Naqoya şəhərinə qayıdır. İnsanlara inamını itirmiş gənc gecə saatlarında müxtəlif işlərdə çalışmağa məcbur olur. Növbəti gecə növbəsinə yollanarkən o, son qatarda on beş ildir görmədiyi uşaqlıq dostu Mako Sakurai ilə rastlaşır.

İndiki vəziyyətindən utanan Haru qızın xatirəsindəki uğurlu obrazını qorumaq üçün böyük bir yalan danışır. O, guya sürətli qatar layihəsinə rəhbərlik etdiyini iddia edir və bu söhbətin bir dəfə ilə bitəcəyini düşünür. Lakin onların eyni gecə qatarındakı təsadüfi görüşləri ardıcıl davam edir və qəhrəman öz uydurduğu yalanın içində daha da çaşqın vəziyyətə düşür.

«Son qatarda başlayan sevgi» adlı yapon dram serialı 2023-cü ildə yayımlanıb. Ekran əsərinin baş rollarını Hiroki Iijima və Rinka Kumada canlandırıblar.