Sınmış güzgü

Meşədə illər əvvəl itkin düşmüş poçtalyonun meyiti aşkar edilir. Çantasında salamat qalmış məktublar sahiblərinə çatdırılır və beləliklə Daşa vaxtilə həlak olduğu zənn edilən nişanlısı Oleqdən xəbər alır. Sevdiyi insanın sağ olduğunu öyrənən qadın keçmişdə baş verənləri anlamaq üçün iyirmi il əvvəlki hadisələri araşdırmağa başlayır. Əgər bu məktub vaxtında gəlsəydi, o, sevmədiyi Mironla ailə qurmazdı.

Keçmişin sirlərini açdıqca Daşa ətrafındakı insanların əsl siması ilə qarşılaşır. Məlum olur ki, əri Miron, rəfiqəsi Yelena və qardaşı Viktor uzun illər yalan danışıb, ailə biznesinin arxasında isə cinayət dayanır. Qadın Oleqi tapmağa çalışarkən şəhərə köhnə düşmənlərindən qisas almaq üçün gəlmiş Pavel adlı naməlum şəxs peyda olur.

2020-ci ildə ekranlara çıxmış Rusiyanın «Sınmış güzgü» dram serialında baş rolları Yekaterina Quseva, Aleksandr Lazarev (kiçik), Aleksey Makarov və Yekaterina Volkova ifa ediblər.