Üç ulduz

Slava və Marina Belyankinlər uşaqlıqdan bir-biri ilə yola getmir və hər addımda bəhsləşirdilər. İllər keçsə də, onların həyatı istədikləri kimi qurulmadı. Otuz bir yaşlı ağıllı və təhsilli Slava gələcəyini düşünmədən yaşayır. Marina isə vaxtilə musiqi telekanalında məşhur aparıcı olsa da, artıq on beş ildir ki, efirlərdən uzaq düşüb və təsadüfi işlərlə dolanır.

İllər əvvəl onları tərk etmiş atalarının avtomobil qəzasında həlak olması xəbəri hər şeyi dəyişir. Vəsiyyətnamə qalmadığı üçün Anapa şəhərindəki kiçik sahil mehmanxanası bacı ilə qardaşa çatır. Onlar obyekti satıb pulu bölmək istəsələr də, qəfil başqa bir varisin varlığı üzə çıxır. Mərhum atanın sonrakı nikahından on beş yaşlı Maks adlı oğlu qalıb. İndi Slava və Marina bu yeniyetməyə qəyyumluq etməli və o, on səkkiz yaşına çatana qədər oteli birlikdə idarə etməlidirlər.

2014-cü ildə yayımlanan «Üç ulduz» Rusiya istehsalı olan dram serialıdır. Ekran əsərinin quruluşçu rejissorları Miçislav Yuzovski və Sergey Lesoqorovdur. Əsas obrazları Anna Dankova, İvan Kolesnikov, Yaroslav Leonov və Maksim Turantsev canlandırıb.