Ada

Xloya hələ uşaq ikən adadakı mağaraların birində tənha vəziyyətdə tapılıb. Öz keçmişi və mənşəyi barədə heç nə bilməyən gənc qız digər sakinlərdən uzaq durmağa çalışır. Rəfiqəsi ilə getdiyi sahildəki şənlik isə gözlənilməz hadisə ilə bitir: bir oğlan ona hücum etməyə cəhd göstərir, lakin müəmmalı səbəbdən huşunu itirərək uzun müddət özünə gələ bilmir.

Bu hadisələrin ardınca adaya Teya adlı qəribə bir qadın gəlir və onunla Xloya arasında anlaşılmaz rabitə yaranır. Eyni zamanda sahildə balıqların yoxa çıxması və bir-birinin ardınca baş verən sirli ölümlər ada əhalisi arasında böyük təşviş doğurur.

Fransa istehsalı olan «Ada» (Apnea) dram serialının rejissoru Jülyen Truselyedir. 2019-cu ildə təqdim olunan ekran əsərində baş rolları Noe Abita, Letisiya Kasta, Manuel Severi və Serxi Lopes canlandırıblar.