Ata instinkti

Mənzil-istismar sahəsinin işçisi Andrey Perevalov ata olmağa hazırlaşır. Lakin hamilə həyat yoldaşı Vera rəfiqəsinin yanına gedərkən ağır yol qəzasına düşür. Şəhər doğum evinin mama-ginekoloqu Olqa Mixaylova çətin əməliyyat apararaq körpənin həyatını qurtarır, lakin ananı xilas etmək mümkün olmur. Sükan arxasındakı şəxsi Veranın əri zənn etdikləri üçün hər kəs uşağın hər iki valideyninin öldüyünü düşünür.

Eyni vaxtda tibb müəssisəsində başqa bir faciə baş verir və narkotik asılılığı olan bir qadının övladı dünyasını dəyişir. Səhlənkar tibb bacısının kobud səhvi ucbatından sənədlərdə ölmüş körpə kimi həyatda qalan həmin uşaq qeydə alınır.

Ukrayna istehsalı olan «Ata instinkti» dram serialının rejissoru Anton Azarovdur. 2012-ci ildə çəkilmiş ekran əsərində baş rolları İrina Savitskova, İlya Şakunov, Gennadi Smirnov və Yelena Kondulaynen canlandırıb.