Evlilik müqaviləsi

Valideynlərini yanğında itirən Pimphika qardaşı Ravi ilə birlikdə babası Rucun yanına sığınır. Burada o, qonşuluqdakı portağal bağlarının sahibi Saran ilə qarşılaşır, lakin onların münasibəti elə ilk andan soyuq alınır. Çox keçmədən Ravi maddi çətinliklər səbəbindən yerli nüfuzlu fermer Thinnamaidən borc götürür və borcun əvəzində bacısını ona verməyə razılaşır.

Pimphikanı bu arzuolunmaz vəziyyətdən xilas etmək istəyən Saran borcu tamamilə ödəyir. O, qıza təhlükəsizlik naminə bir illik saxta nikah bağlamağı təklif edir. Beləliklə, bir-birindən xoşu gəlməyən iki gənc eyni evdə ər-arvad kimi yaşamağa məcbur qalır.

«The Wedding Contract» adlı Tayland istehsalı olan dram və romantika serialı 2023-cü ildə ekranlara çıxıb. Rejissoru Lek Narong Jarujinda olan serialın baş rollarını Kuan Denkhun Ngamnet və Namwhan Phulita Supinchompoo canlandırır.