Venus in the Sky

Tələbəlik illərində yaxın dostu Skaya sevgisini etiraf edən Venus qarşılıq görmədikdən sonra bütün əlaqələri qıraraq üç il yoxa çıxır. Aradan keçən vaxtdan sonra o, işindən ayrılıb gələcək planlarını düşünmək üçün doğma şəhərinə qayıdır. Burada Venus böyük qardaşına gecə-gündüz fəaliyyət göstərən marketdə kömək etməyə və axşam sifarişlərini ünvanlara çatdırmağa başlayır.

Bir gün mağazaya müştəri qismində Skay daxil olur. Artıq yerli xəstəxanada həkim işləyən gənc ötən illər ərzində həqiqi hisslərini anladığı üçün keçmiş dostunun qəlbini yenidən qazanmağa çalışır.

Tayland istehsalı olan «Venus in the Sky» romantik dram serialının rejissoru Paapare Khaçaporn Rupçanqdır. İki mövsümdən ibarət layihədə baş rolları Tod Panapong Khaisang və Cheque Wacharawee Kaewpoolsri canlandırır.