Bənövşələr

Məktəbli Qalyanın ilk sevgisi onun erkən hamiləliyi ilə nəticələnir. Qızını təkbaşına böyüdən anası Lidiya bu xəbərdən bərk qəzəblənir və övladının eyni taleyi yaşamasını istəmir. O, vəziyyətdən çıxış yolunu qorxunc bir addımda görür: yenicə doğulmuş körpədən imtina edir və qızına uşağın tələf olduğunu söyləyir.

İllər sonra Qalya keçmişi ilə bağlı bu dəhşətli həqiqəti öyrənir. Qadın anasının etdiyi bağışlanmaz səhvi aradan qaldırmaq və ondan qoparılmış uşağını taparaq itirilmiş xoşbəxtliyini geri qaytarmaq qərarına gəlir.

Rusiyada istehsal olunmuş «Анютины глазки» dram serialı 2019-cu ildə işıq üzü görüb. Ekran əsərinin rejissoru Sergey Krasnovdur. Baş rolları İrina Verbitskaya, Veronika Korniyenko, Andrey Frolov və Darya Belousova canlandırıblar.