Şübhə

Sankt-Peterburqda FTX əməkdaşları Saxa ləqəbli nüfuzlu cinayətkarın rəhbərlik etdiyi qruplaşmanı izləyir. Əməliyyat zamanı bu dəstənin xarici kəşfiyyatla təmasda olduğuna dair məlumatlar əldə edilir. Qısa müddət sonra xarici agentlərlə əlaqəsi olan bütün dəstə üzvləri gözlənilmədən həlak olur və xidmət rəhbərliyi gizli məlumatları kənara ötürən bir xainin mövcudluğunu ehtimal edir.

Mütəşəkkil cinayətkarlıqla mübarizə şöbəsində çalışan Yuri İvanov şübhəlilər siyahısına düşür. Bu işi araşdırmaq onun uşaqlıq dostu, həmçinin xidmət yoldaşı olan mayor Pavel Trofimova tapşırılır. Trofimov dostunun vətənə xəyanət etdiyinə inanmaq istəməsə də, təhqiqat dərinləşdikcə şübhələrin əsassız olmadığını görməyə başlayır.

2015-ci ildə çəkilmiş Rusiya istehsalı olan «Şübhə» dram serialının rejissoru Armen Nazikyandır. Əsas obrazları Vladislav Reznik, Yevgeni Volovenko, Natalya Kruqlova və Yelena Karpova canlandırıb.