Romeo və Culyetta

İki ailə arasındakı nifrət Natalio Kaporalenin Jozefina Monterodan doğulan oğlunu qəbul etməməsi ilə başlayır. Körpəyə Bruno adı və anasının soyadı verilir, atılmış qadın isə kədərə dözməyərək həyatına son qoyur. Yetim qalan uşaq atasına və onun qohumlarına qarşı qəzəb içində böyüyür, ailənin digər tərəfindəki Vittorio Kaporale isə Montero nəslinə nifrət bəsləyərək boya-başa çatır. İllərlə davam edən bu düşmənçilik növbəti nəslin gəncləri arasında diskotekada baş verən davaya gətirib çıxarır.

Qızın sonuncu sinifdə oxuduğu məktəbdə Romeo və Culyetta bir-biri ilə qarşılaşır. Onların arasında yaranan məhəbbət ailələrin əsrlik nifrəti ilə toqquşur. Gənclərin bu hissi məktəblilər arasında tərəfdarlar qazandırsa da, nəsillərin çəkişməsi yolunda müxtəlif qurbanlar verilməsinə səbəb olur.

2007-ci il istehsalı olan Argentina serialı rejissorlar Raul Lekouna və Mariano Ardanas tərəfindən çəkilib. Musiqili dram və melodram janrındakı layihənin baş rollarını Elias Vinyoles, Brenda Qandini, Maqali Moro və Sesar Vianko canlandırır.