Right Time, Right You

Ağrılı ayrılıqdan sonra Phat toparlanmaq və rahatlıq tapmaq məqsədilə doğma Taylanda qayıdır. Evə döndükdən sonra o, yaxın rəfiqəsi Meyin kiçik qardaşı Mok ilə tanış olur. Mokun səmimi zarafatları və flörtü tezliklə hər iki gəncin hisslərini oyadır və onların arasında qarşılıqlı bir bağlılıq yaranmağa başlayır.

İki gənc bir-birinə yaxınlaşdıqca aralarındakı münasibət daha da dərinləşir. Lakin nə Phat, nə də Mok bu qəfil sevginin arxasında hansı sirrin dayandığından xəbərdar deyillər. Əslində bu yaxınlaşmanın memarı Meydir və o, onları bir araya gətirmək üçün qara sehrə əl atıb.

Tayland istehsalı olan «Right Time, Right You» dram serialı 2023-cü ildə yayımlanıb. Layihənin rejissor kürsüsündə Thipaphon Puangmaha və Thanaphon Masap əyləşib. Əsas rolları Junior Chokkorn Deotrakul, Milk Natchanon Supravorawong və Pim Pimvipa Thanarapatvanich canlandırıb.