Anata ga Shitekurenakute mo

Otuz iki yaşlı Miçi Yoşino artıq beş ildir ki, ailəlidir və kənardan baxanda onun evliliyi çox qaydasında görünür. Əslində isə münasibətlərində ciddi boşluq yaranıb: həyat yoldaşı son iki ildir ondan uzaq qaçır və yaxınlıqdan imtina edir. Növbəti rədd cavabından kədərlənən qadın işdən sonra bir az içir və hisslərini rəhbəri Makoto Niina ilə bölüşür.

Makoto həmkarını sakitcə dinlədikdən sonra gözlənilməz etiraf edir. Bəlli olur ki, onun da öz ailəsində eyni problem mövcuddur və cütlük arasında yaxınlıq yoxdur. Beləliklə, oxşar çətinliklə üzləşən bu iki insan arasında xüsusi bir bağ formalaşır.

«Anata ga Shitekurenakute mo» serialı 2023-cü ildə Yaponiyada istehsal olunub və rejissoru Hiroshi Nishitanidir. Bu melodram janrlı ekran əsərində əsas rolları Nao Honda, Eita Nagayama, Takanori Iwata və Minami Tanaka canlandırıb.