Casualty 1909

Hadisələr 1909-cu ildə Londonun yoxsul İst-End rayonunda cərəyan edir. Küçələrdə baş verən güclü partlayış inqilabi ab-havanın hökm sürdüyü şəhərdə yeni hücum qorxusu və böyük təşviş yaradır. London Kral Hospitalının qəbul şöbəsinə ağır yaralanmış və qəzəbli insanlar axışmağa başlayır.

Həkimlər və tibb bacıları böhran şəraitində xəsarət alanların həyatını xilas etmək üçün təcili müdaxilələr aparırlar. Tibb işçiləri XX əsrin əvvəllərindəki tibbi üsulların çatışmazlıqları və məhdud resurslarla mübarizə apararaq xəstələrə yardım göstərməyə çalışırlar.

Böyük Britaniya istehsalı olan «Casualty 1909» tarixi dram serialı 2009-cu ildə nümayiş olunub. Layihənin rejissor kürsüsündə Mark Brozel və Brin Hiqqins əyləşib, əsas rolları isə Şeri Lunqi, Sara Smart, Uilyam Hyuston və Nikolas Ferrel canlandırıblar.