Kənarlaşdırılmış

İki illik həbs cəzasını başa vuran gənc Lyuis Oldric nəhayət doğma yerlərinə qayıdır. Vaxtilə onun törətdiyi cinayət sakit və dinc Sarrey qraflığını dərindən sarsıtmışdı. Hadisələrin cərəyan etdiyi 1957-ci ildə cəmiyyət keçmiş məhbusu heç də xoş qarşılamır.

Ətrafdakı insanlardan anlayış və dəstək görməyən Lyuis ard-arda xəyal qırıqlıqları və itkilərlə üzləşir. Təzyiqlər qarşısında sınmaq təhlükəsi ilə üz-üzə qalan gəncin çıxış yolu demək olar ki, qalmır. Yalnız dərin çarəsizlik içində olanda tapdığı məhəbbət onun üçün yeganə xilasa çevrilir.

Böyük Britaniya istehsalı olan «The Outcast» dram serialı 2015-ci ildə ekranlara çıxıb. Layihənin quruluşçu rejissoru İen Softlidir. Əsas obrazları Finn Elliot, Qreq Vayz, Hetti Morahan və Nataniel Parker canlandırıblar.