Fahlanruk

Universitetin iki tanınmış tələbəsi bir gecə barda təsadüfən rastlaşır. İqtisadiyyat fakültəsində oxuyan və idmanla məşğul olan Fahlan ilə memarlıq tələbəsi, musiqisevər Şerbet birlikdə vaxt keçirməyə qərar verirlər. Gənclər aralarında heç bir öhdəlik olmadan, sadəcə dostluq və sərbəst münasibət formatında qalmaq barədə razılaşırlar.

Lakin bu sərbəstlik uzun sürmür və tərəflər arasında hisslər dəyişir. Fahlan partnyoruna qarşı dərin duyğular bəsləməyə başlayır və aradakı məsafəni azaltmaq istəyir. Şerbet isə ciddi bağlar qurmaqdan çəkinir və əvvəlki sərhədləri qoruyub saxlamağa çalışır.

Tayland istehsalı olan «Fahlanruk» romantik dram serialı 2022-ci ildə işıq üzü görüb. Layihənin rejissor kürsüsündə Chic Sakon Tiacharoen və K Chainarong Tampong əyləşib, baş rolları isə Tonkhao Chayuth Nitichakorn və James Thanaboon Wisrungroj canlandırıb.