Bu qış külək əsir

Valideynləri tərəfindən uşaq yaşlarında tərk edilən Oh Su həyatını məqsədsiz şəkildə qumar masalarında və varlı qadınların hesabına yaşamaqla keçirir. İlk məhəbbətinin ölümündən sonra qəlbi daşlaşan bu adam bir gün nəhəng şirkətin varisi Oh Yonq ilə tanış olur. Yeniyetmə vaxtı gözlərini itirən, valideynlərini və qardaşını itirmiş gənc qız heç kimə güvənmədən dərin tənhalıq içində ömür sürür.

Oh Su var-dövlət əldə etmək üçün qızın itkin düşmüş qardaşı roluna girməyi və zamanla onu aradan götürərək mirasa sahib olmağı planlaşdırır. Bu təhlükəli oyunda Oh Sunun yanında atasına ferma almaq istəyən ən yaxın dostu Park Cin-sonq dayanır. Eyni zamanda Oh Sunun keçmiş sevgilisinin bacısı Mun Hi-sonq ona qarşı nifrət bəsləməyə çalışsa da, daxilindəki hisslərlə bacara bilmir.

Cənubi Koreya istehsalı olan «Bu qış külək əsir» (Geu gyeoul, barami bunda) dram serialı 2013-cü ildə ekranlara çıxıb. Layihənin quruluşçu rejissoru Kim Gyu-tehdır, əsas rolları isə Ço İn-son, Son He-gyo, Kim Bom və Pe Con-ok canlandırıb.