Silent

Tsumugi Aoba məktəb illərində sinif yoldaşı So Sakura ilə musiqiyə olan ortaq maraqları sayəsində yaxınlaşmışdı. Zaman keçdikcə onların duyğuları daha da dərinləşsə də, gənc oğlan heç bir səbəb göstərmədən ayrılmağa qərar verərək qəfil yoxa çıxdı. Səkkiz il sonra Tsumugi Tokioda yerləşən böyük musiqi mağazasında yarımştat işləyir və günlərini sevdiyi mahnıların əhatəsində keçirir.

Təsadüfi bir gün qız küçədə keçmiş sevgilisini görür və onunla danışmaq istəyir. Lakin Tsumugi çox keçmədən Sonun eşitmə qabiliyyətini tamamilə itirdiyini öyrənir. Beləliklə, keçmiş hisslər və illər sonra üzə çıxan bu reallıq onları tamamilə fərqli bir ünsiyyət yolu axtarmağa məcbur edir.

«Silent» adlı yapon dram serialı 2022-ci ildə nümayiş olunub. Ekran işinin rejissorları Şunsuke Şinada və Hiroki Kazamadır, baş rolları isə Haruna Kavaquçi, Ren Mequro, Oji Suzuka və Hiyori Sakurada canlandırıb.