Kaş ki, mən çariça olaydım

Analarının vəfatından sonra kiçik bacıların qayğısını böyük bacı Tamara öz üzərinə götürür. Gənclik illərini ailəsinə həsr edən qadın şəxsi həyatını qura bilmir və ailə həyatından uzaq qalır.

İllər keçir və böyüyən bacılar analarının anım günündə bir süfrə arxasına toplaşırlar. Onlar uşaqlıqdakı sevimli oyunlarını və «Kaş ki, mən çariça olaydım…» sözləri ilə başlayan arzularını xatırlayırlar. İndi artıq istəklər fərqlidir: Tamara özünə aid ev, Vika varlı həyat yoldaşı xəyal edir, sakit təbiətli Sonya isə nə istədiyini hələ də bilmir. Lakin həyat hər üç bacıya gözlənilməz sınaqlar hazırlayır.

2012-ci ildə çəkilmiş Rusiya istehsalı olan «Kaş ki, mən çariça olaydım» melodram serialının rejissoru Sergey Alyoşeçkindir. Baş rolları Mariya Belonenko, Aleksey Litvinenko, Aleksandr Kasatkin və Roman Kuperman canlandırıblar.