Uçqun

İstedadlı pianoçu Mesyatsev uzun illər nümunəvi ailə başçısı kimi tanınsa da, qarşısına çıxan gənc qadına vurulur. Müstəqil və cazibədar xanım da ona qarşılıq verir. Musiqiçi bu güclü hissləri orta yaş böhranı deyil, əsl sevgi zənn edir, lakin yanıldığını çox gec anlayır.

Baş verənlər onun köhnə ailəsinin tamamilə dağılmasına gətirib çıxarır. On səkkiz yaşlı oğlu narkotik aludəçisinə çevrilərək həyatını itirir. Ağır itki yaşayan Mesyatsev həyata olan marağını itirir, artıq nə sevmək, nə də musiqi alətində ifa etmək istəyir.

Rusiya istehsalı olan «Lavina» («Uçqun») dram serialı 2001-ci ildə nümayiş olunub. Ekran əsərinin rejissoru İvan Solovovdur. Əsas rolları Aleksandr Feklistov, Anna Kamenkova, Larisa Boruşko və Nina Qrebeşkova canlandırıblar.