Doktor ölüm

İstedadlı ürək cərrahı Yeqor Tülpanov tibbi səhv ittihamı ilə xəstəxanadan uzaqlaşdırıldıqdan sonra fəaliyyətini baytarlıq klinikasında davam etdirməyə məcbur qalır. Çətinliklər bununla bitmir: həyat yoldaşı ondan ayrılır, qardaşı isə qumar borcunu onun üzərinə atmaq istəyir. Problemlərdən uzaqlaşmağa çalışan Yeqor sərxoş vəziyyətdə ailəsini qətlə yetirmiş cinayətkarlardan qisas almaq istəyən keçmiş polis Koşuba ilə tanış olur.

Çox keçmədən Yeqor Koşubanın ailəsinin ölümünə səbəbkar olan cinayətkar qruplaşma rəhbəri Xvatın həyatını xilas edir. Beləliklə, cərrah təsadüfən iki barışmaz tərəfin qarşıdurmasının ortasında qalır. «Doktor ölüm» serialı daxili sarsıntılar keçirən həkimin təhlükəli hadisələrin içinə sürüklənməsindən bəhs edir.

Rusiya istehsalı olan dram serialının rejissoru Aleksandr Nazarovdur. 2014-cü ildə təqdim olunmuş layihədə baş rolları Yuri Çursin, Svetlana İvanova, Dmitri Ulyanov və Mixail Qorevoy canlandırıblar.