Hicran

Hicran illərdir doğuşdan dərhal sonra körpəsinin öldüyü xəbərinin gətirdiyi ağır kədərlə yaşayır. Əslində isə qız uşağı gizlicə başqa ailəyə satılıb. Bir gün qadın təsadüfən Melek adlı balaca bir qızı ölümdən xilas edir. Keçirdiyi psixoloji sarsıntıdan sonra heç kimlə danışmayan bu qızcığazın taleyi həmin andan Hicranla birləşir.

Qızının xilaskarı ilə qurduğu isti ünsiyyəti görən zəngin iş adamı Emre Hicrana malikanəsində dayə kimi işləməyi təklif edir. Təklifi qəbul edib evdə məskunlaşan Hicran qayğısına qaldığı uşağın əslində öz doğma övladı olduğunu bilmir.

Türkiyə istehsalı olan dram janrlı «Hicran» serialı 2022-ci ildə ekranlara çıxıb. Layihənin rejissorluğunu Gürsel Ateş və Nuh Şen həyata keçirib. Əsas rollarda Elçin Zehra İrem, Nisa Sofiya Aksongur, Berk Bakioğlu və Özlem Çınar çəkiliblər.