Şəkərli yay

İncəsənət fakültəsinin tələbəsi Lay Duyduy rəssamlıq yolunda irəliləmək istəsə də, digər fənlərdən zəif nəticələrinə görə universitetdən qovulmaq təhlükəsi ilə üzləşir. Əlaçı tələbə Tszyan Tszonun isə ona bir təklifi var. Əgər qız onun sevgilisi rolunu oynayıb təkidli keçmiş sevgilisini ondan uzaqlaşdırsa, gənc oğlan da onun dərslərinə kömək edəcəkdir.

Bu razılaşma tələbə qızın səhhətindəki problem üzündən daha da mürəkkəbləşir: o, üz korluğundan əziyyət çəkir və insanları sifətindən tanıya bilmir. Lay Duyduy qarşısındakı gəncin onun köhnə məktəb yoldaşı olduğunu belə fərq etmir, lakin təhsilini xilas etmək naminə bu saxta münasibətə razılıq verir.

Çin istehsalı olan dram və romantika janrlı «Rock Sugar Summer» serialı 2022-ci ildə işıq üzü görüb. Ekran əsərinin quruluşçu rejissoru Jason So olub, əsas obrazları isə Zhu Rong Jun və Zhu Min Xin canlandırıb.